Yollardakı sarı torlar tıxacı azaldırmı? | VİDEO

Yollardakı sarı torlar tıxacı azaldırmı?    | VİDEO
  14 Aprel 2026    Oxunub:1358
Paytaxtın küçələrində yaranan tıxacların qarşısının alınması və nəqliyyat şəraitinin yaxşılaşdırılması məqsədilə bir sıra küçə kəsişmələrində sarı tor nişanlanmaları təşkil edilib.
Bir neçə gün əvvəl Biləcəri qəsəbəsində Rəşid İsmayılov və Şirvan küçələrinin kəsişməsində də analoji nişanlama işləri həyata keçirilib. Günün pik saatlarında sözügedən ərazidə tez-tez tıxac yaranırdı. Bu qarışıqlığın əsas səbəbi kimi isə kəsişmədə dayanan nəqliyyat vasitələri göstərilirdi. Lakin sürücülər bildirirlər ki, görülən tədbirlərə baxmayaraq vəziyyət hələ də ciddi şəkildə dəyişməyib.

Bundan əlavə, paytaxtın Üzeyir Hacıbəyli, Kövkəb Səfərəliyeva küçələrində, 20 Yanvar dairəsində, Azadlıq prospektində, həmçinin Vaqif və Səməd Vurğun küçələrinin kəsişmələrində də sarı tor nişanlanmaları təşkil olunub.


Teqlər: Yol-Hərəkəti  



Xəbər lenti